video promovuese
Gjatë muajit janar u përgatit një video promovuese e turizmit dhe trashëgimisë kulturore në Devoll. Fokusi i videos ishte në promovimin e vlerave historike e kulturore të Trevës së Devollit, si dhe atraksionet truistike të kësaj zone. Krahina e Devollit, përmes shekujve, është shpërfaqur si një njësi e përtërirë krahinore me një popullsi të dhënë pas punës, me një trashëgimi të pasur artizanale dhe një zhvillim ekonomik, social dhe kulturor. Videoja ilustron një trashëgimi të pasur etnokulturore, e cila shfaqet në zakonet, traditat, dhe stilin e jetesës, duke përfshirë edhe veshjet tradicionale, mënyrën e banimit, këndimin e valleve, si dhe diversitetin e veglave muzikore.
